എന്റെ നേരെ നോക്കുന്ന നിന്റെ
കണ്ണുകളിലെന്നും പ്രണയമായിരുന്നു
നിറയുമാ കണ്ണുകള്‍ തോരാത്ത നേരവും
പ്രണയമായിരുന്നു എന്നും..
നിന്റെ പ്രണയത്തില്‍ നിന്നും ഉത്ഭവിച്ച ഉറവ
എന്റെ ഹൃദയത്തിന്റെ അടിത്തട്ടിലാണ് ചെന്നു പതിച്ചത്
എണ്ണിയാലൊടുങ്ങാത്ത സ്വപ്നങ്ങളും മോഹങ്ങളുമായി
നീ എന്റെ മുന്‍പില്‍ കൈ നീട്ടിയതെന്തിനായിരുന്നു ?
കാലം നീക്കിവെച്ച ബാധ്യതകള്‍ നിന്നെ തേടി വരുമ്പോള്‍
നീ പതറുന്നത് ഞാന്‍ കാണുന്നു
നീ ഓര്‍ക്കുക ..നിരന്തരം ഓര്‍ക്കുക
അന്ന് ഞാന്‍ ഒരു ഭാരമായി
നിന്റെ മുന്‍പില്‍ ഉണ്ടാവുകയില്ല ...
ഈ ജീവിതത്തില്‍ ഞാന്‍ തോറ്റുപോകുന്നു ...
എന്റെ ജീവന്‍ എന്റെ മുന്‍പില്‍
ചോദ്യ ചിഹ്നമായി നില്‍ക്കുന്നു.
നിഴലുകള്‍ നിരന്നു നില്‍ക്കുന്ന ഈ വഴിത്താരയില്‍
എവിടെയ്ക്കാണെന്റെയീ യാത്ര.....
കാലമിനിയും വരട്ടെ ..
പ്രണയങ്ങള്‍ ഇനിയുമുണ്ടാകട്ടെ ...
എന്നെ കുറിച്ച്
- രശ്മി മേനോന്
- മനാമ, ബഹറിന്, India
- കവികളും കഥയെഴുത്തുകാരും ചിത്രകാരന്മാരും , വിഭാവനയുടെ തുലാസിലിട്ടു തൂക്കിയെടുക്കുന്ന പുനര്ജ്ജനികളെ ... ആയിരം ആയിരം വര്ണ്ണക്കടലാസുകളില് നിറഞ്ഞാടാന് എന്റെ ഭാവന നിന്റെ ഹൃദയത്തെ ചൂഴ്ത്തിയെടുക്കും .. എന്റെ പദങ്ങളില് എന്റെ ചായങ്ങളില് എന്റെ കവിതകളില് കൃത്രിമമായി നീ പുനഃ സൃഷ്ടിക്കപ്പെടും .... സത്യ സന്ധതക്കുമേല് പൊതിയുന്ന കനത്ത ആവരണം എന്നെ ചുഴിഞ്ഞു നോക്കാതിരിക്കാന് , അടിച്ചേല്പ്പിക്കുന്ന ആ ആവരണം പൊട്ടിച്ചെറിയണമെന്നുള്ള അടങ്ങാത്ത ആഗ്രഹവും പേറി തിരിച്ചറിയാനാകാത്ത ഒരു ജനതയ്ക്ക് മുന്‍പില്‍ ഒരു വലിയ ഭാരമായി, ഒടുങ്ങാത്ത ആഗ്രഹവുമായി ഞാന്‍ നില്‍ക്കുന്നു ... രശ്മി മേനോന്